لە سلێمانى رێکخراوەکان پڕۆسەی چاودێری و بەدواداچوون تاوتوێ دەکەن

ڕۆژى سێشەمە ٧/١/٢٠٢٠ ڕێكخراوی ستۆپ بە هەماهەنگی فەرمانگەی ڕێكخراوە ناحكومیەكانی هەرێمی كوردستان و بە پشتیوانی پرۆژەی تكامل IGPA ، یەكەمین كۆبونەوەی بە بەشداری بەشێك لە رێكخراوەكانی كۆمەڵی مەدەنی لە سلێمانی ڕێكخست، ئامانجی كۆبونەوەكە گفتوگۆكردن بوو سەبارەت بە پێداچونەوە و جێبەجێكردنی یاسای ڕێكخراوە ناحكومیەكان و بەهێزكردنی ڕۆڵی ڕێكخراوەكانی كۆمەڵی مەدەنی لە پڕۆسەی چاودێری و بەدواداچوون لە هەرێمی كوردستان.

لە کۆبونەوەکەدا ژمارەیەکى زۆر لە رێکخراوەکانى سنورى پارێزگاکە بەشداریان کرد و ڕا و سەرنج و تێچینەکانیان دیدارەکەیان دەوڵەمەندکرد بە ئامانجى پێداچوونەوە و هەموارکردنى بڕگە و مادەکانى یاساى ژمارە یەکى ساڵى ٢٠١١ى پەرلەمانى کوردستان تایبەت بە رێکخراوە ناحکومییەکان.

لە بەشێکى کۆبونەوەکەدا پێشنیار و تێبینیەکانى پەرلەمان لەلایەن پەرلەمانتار مەم قانع ئەندامى لیژنەى کۆمەڵى مەدەنى خرانەڕوو و دواتر بەشێکى پرسیارەکان لەلایەن نوێنەرى فەرمانگە کاروان سوار وەڵامدرانەوە.